Politii ullormut nalunaarutaat: Nuummi biilimik ajutoortoqarnerani aquttoq qimaasimasoq

Nuummi unnuaq biilinik marlunnik tillittoqarsimanissaa Kalaallit Nunaanni politiit ilimagaat.

Pisoq siulleq tassaavoq biilertilluni ajutoorneq, biili nalunaaqutaq 04.22 missaani mittarfiup tungaanut ingerlaarnermini ungaluusamut aporsimasoq.

- Tamatuma kingorna biilimik aquttoq qimaavoq, biili aallarunneqarsimanissaat ilimagaarput, pigaartut pisortaat Jørgen Madsen oqarpoq.

Pisimasup aappaa ullaaralaakkut pivoq, Nuummi biili Musaq 5-imiit tillinneqarmat.

Nalunaaqutaq 06.34 biilimik allarussisoqarsimaneranik nalunaaruteqartoqarpoq, pisunullu taakkununnga marlunnut tunngatillugu politiit Nuummi innuttaasunit ikioqqupput.

- Mittarfiup eqqaani pisoqarfiusoq soorunami najugaqarfiunngilaq, kisianni arlaannik takusaqarsimagaanni tamanna pillugu tusagaqarusuttorujussuuvugut, pinerluttumimmi suli tigusarisaqannginnatta.

Musami pisumut tunngatillugu tamanna aamma atuuppoq.

Sulianut taakkununnga tunngatillugu politiinut iluaqutaasinnaasunik paasissutissaateqaruit, 70 14 48-mut sianersinnaavutit