Senatimut qinigassanngortitat Trumpimit tapersersorneqartut affai ajugaasut

Qinersinermi qinigassanngortittut 26-usut, præsident Donald Trumpip qiterpaarluni qineqqusaarnerup aallartinnginnerani tapersersorsimasaasa affaat qinigaapput.

Sinneri Demokraatineersunut ajorsarput, imaluunniit naalagaaffinni qinigassanngortiffigisaminni ajugaasutut ajorsartutulluunniit suli nalunaarutigineqanngillat.

Tamanna aviisimi The Guardianimi misissuinerup takutippaa.

Alaskami Mississippimilu senatimut qinersinerup inernera suli paasineqanngilaq.

Trumpip republikanerit USA-mi naalagaaffinni taakkunani marlunni senatorissatut qinigassanngortitaannut tapersersuinini takutinnikuuaa. Taassaapput Dan S. Sullivan aamma Cindy Hyde-Smith.

Kisitsineq suli ingerlasoq

Qineqqusaartut 13-it Trumpimit tapersersorneqartut ukiuni arfinilinni tulliuttuni nunap immikkoortuinut sinniisuussapput, Trumpimiilli tapersersorneqarlutik qinigassanngortittut aqqanillit demokratineersunut ajorsarput.

Repræsentanternes Husimi qineqqusaartut Trumpimit tapersersorneqartut angusarissaarnerulaarput. Taakkunannga 60 procentit iserput. 

Repræsentanternes Husimut qinersinermi taasinerit kisinneqarnerat nanginneqarpoq, soorluttaaq senatimut qinersinermi taasinerit aamma kisinneqartut. 

USA-mi Repræsentanternes Hus-imut qinersinermi Trumpip tapersersugai 137-t qinigaapput. Præsidentip qinigassanngortitai 46-t qinigaanngitsoorput.

Qinigassanngortittut Trumpimit tapersersorneqartut 57-it qinersivii suli kisinneqanngillat.

RITZAU