Anorersuup timmisartukkut aqagu ualikkut angallannissat taamaatsikkai

Nuummi anorersuarlunilu masannartuliornissaa pissutigalugu nunatta iluani marlunngornermi ualikkut angalasussat tamarmik taamaatsinnarneqarput.

Allattoq Nicole Sander Bertelsen

oktobarip 20-at 2025 10:37

Nutserisoq Connie Fontain

Aqagu ualikkut timmisartumik nunatta iluani angalaniarsimaguit nutaamik angalanissamut pilersaarummik nassinneqarumaarputit. Tassami Air Greenlandip nunatta iluani aqagu ualikkut angalasussaagaluartut anorersuarlunilu masannartuliortoqarnissaa pissutigalugit nutaamik angalanissaannik pilersaarusiortariaqarpai.

Timmisartuutileqatigiiffik nittartakkamini allappoq.

- Angalanissamut pilersaarutit nutaat ullumi nalunaaqutaq sisamanngortinnagu nassiunneqarumaarput.

Unnuinissamik pisariaqartitsissaguit aqagu ullup qeqqaniit mittarfimmukarsinnaavutit, tassanilu akunnittarfimmi inissannik nerissutissanillu tunineqarumaarputit.

- Nuummili akunnittarfiit killeqarmata unnuiffigisinnaasaminnik nalunngisaqartut tamanna atussagaat kaammattuutigissavarput, timmisartuutileqatigiiffik allappoq.

Air Greenlandip angalanissamut pilersaarut eqqugaasunut nassiunneqartoq allanngortinneqarsinnaanngitsoq, angalanissarli siunertaarutissappat billetip qanoq ittuunera apeqqutaatinnagu aningaasat utertinneqarsinnaasut erseqqissaatigaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.