Politiit ullormut nalunaarutaat: Ukiukitsut aallarussisutut biilimillu ingerlatsisinnaanermut allagartaqarnatik ingerlatsisimasutut unnerluutigineqartut
Unnuaq eqqissisimanakannersimasoq, pigaartut pisortaata Aputsiaq Hansenip sisamanngornermi ullaakkut oqaatigaa. Ullup unnuallu ingerlanerani pisut marluinnaat erseqqissaatigai.
Politiit alapernaarsuisui Nuup aqquserngini unnuaq takussaasimaqisut, pigaartut pisortaata oqaatigaa.
- Tamanna pissutigalugu sulianik pingasunik aallartitsivugut, tassani inunnik hashimik tigummiartunik tigusarinnitoqarmat, taanna oqarpoq.
Inuit taakku pingasut hashimik qanoq annertutigisumik tigummiaqarsimanersut, pigaartut pisortaata oqaatiginngilaa.
Taaku saniatigut Nuummi illoqarfiup qeqqani ukiukitsut biilimik ingerlatsisut takuneqarsimasut, taassuma oqaatigaa.
- Biilimik ingerlatsinerat pasinakujuttoq illoqarfimmi najugaqartoq isumaqarsimavoq, Aputsiaq Hansen oqarpoq.
Suliaq aallarussinertut politiinit maanna suliassanngortinneqarpoq, biilimillu ingerlatsisoq biilimik ingerlatsisinnaanermut allagartaqarnani ingerlatsisimasutut aamma unnerluunneqarpoq.
