Politiit angut 37-nik ukiulik ujaaraat
Paamiuni Politiit angummik 37-nik ukiulimmik sisamanngormalli kingullermik takuneqarsimasumik maanna ujaasipput.
Paamiuni Politiit Issittumi Sakkutooqarfik peqatigalugu angummik 37-nik ukiulimmik ujaasipput.
Allattoq Nicole Sander Bertelsen
oktobarip 13-at 2025 12:50
Nutserisoq Karla Heilmann
Kuulu Nathansen Paamiuni maanna ujaarineqarpoq. Kuulu 37-nik ukioqarpoq, kingullerrmillu sisiamanngormat takuneqarsimasoq, Politiit Facebookimi quppernerminni allapput.
- Kuulu Nathansen-imut 9. oktoberimiik sumiiffiginikuusaanik sumiiffigisinnaasaanut tunngasunik
paasissutissaateqaruit Vagtcentral tlf. 70 14 48 imalt Paamiut Politi tlf. 70 12 23, ujaasinermi saqqummiussami allapput.
Tamatumunnga ilanngullugu kaammattuutigaat, Paamiuni innuttaasut quit, illuaqqat aamma naqqup-ilui Kuulu Nathansenilluunniit sumiiffigisinnaasai misissulaaqqullugit.
Kalaallit Nunaanni Politiit Issittumilu Sakkutooqarfik kajumissutsiminik peqataasut peqatigalugit maqaasineqartoq ujaaraat, politiit taama quppernerminni allapput.
