Nunanit allanit

Peqquserluttuliorsimasutut pasineqartoq Britta Nielsen Danmarkimut tunniunneqartoq

Britta Nielsenip, Danmarkimeersup, peqquserluttuliorsimasutut pasineqartup Danmarkimut tunniunneqarsinnaanissaa, Sydafrikami eqqartuussiviup aalajangerpaa.

Allattoq Mette Wallach

novembarip 08-at 2018 13:23

Johannesburgimi eqqartuussivimmi sivikitsumik ullaap tungaani eqqartuussisoqareersorlu tamanna aalajangerneqarpoq.

Danmarkimut tunniunneqarsinnaanissaminut piareersimanini, 64-inik ukiullip Britta Nielsenip, illersuisuni aqqutigalugu nalunaarutigaa.

Naak pasilliutit amerlineqarsinnaagaluartut Britta Nielsen tunniunneqarnissaminut akuersivoq.

Britta Nielsen Sydafrikamit maanna qimagussinnaanngorpoq, DR-ip eqqartuussiveqarnermut tunngasunut tusagassiisartua Trine Maria Ilsøe, Sydafrikamit taama tusagassiivoq:

- Sydafrikami iperagaanissani namminerlu Danmarkiliarnissani isumaqatigiissutigineqarpo, Interpolilli politiivisa ilaannit maani Sydafrikami ingiallorteqarnissaa aamma isumaqatigiissutigineqarpoq, timmisartoqarfimmullu apuukkuni danskit politiivinut tunniunneqassaaq, taakkualu Københavniliarnerani ingiallortaassapput, Trine Maria Ilsøe oqarpoq.

Britta Nielsen, Isumaginninnermut Aqutsisoqarfimmi sulinermi nalaani 111 millionit koruunit nalinginut peqquserluttuliorsimasutut pasineqarpoq.

Maanna pasineqarpoq, Danmarkimullu apuukkuni unnerluutigineqassanersoq taava aalajangerneqarumaarpoq.

AAMMA ATUARUK Peqquserlussimasutut pasisaq Sydafrikami tigusarineqartoq

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.