Nunanit allanit

Peqquserlussimasutut pasisaq Sydafrikami tigusarineqartoq

Danmarkimi Isumaginninnermut aqutsisoqarfimmi 111 milliuunit koruuninik peqquserlussimasutut pasisaq, Britta Nielsen Sydafrikami tigusarineqarpoq. Unnerluussisuutitaasut Twitterikkut taama nalunaaruteqarput.

Allattoq Ritzau

novembarip 05-at 2018 08:36

Aningaasarpassuarnik peqquserlussimasutut pasisaq Sydafrikami Johannesburgimi ataasinngornermi nal. arfinermut qiteqquttoq tigusarineqarpoq. Tigusarineqareersorlu paasineqarpoq pasisaq aningaasarpassuarnik tigummiaqartoq.

Britta Nielsen Danmarkimi Isumaginninnermut aqutsisoqarfimmi tatigisaalluni ukiut 40-t sulisuusimavoq, aningaasanillu kontorisaminut nuussisarsimalluni.

Peqquserluttuliorsimaneq oktobarimi saqqummiunneqarpoq, Britta Nielsenilu nunat tamalaat akornanni ujaarineqalerluni.

Suliamut atatillugu bagmandspolitiit nunanilu tamalaani pisortat qanimut suleqatigineqarsimapput.
- Peqquserluttuliorsimanerlu annerusumik paasisaqarfigineqarnissaa, aningaasarpassuillu sinneri tammaaneqartut sumiinnerinik paasisaqarnissaq neriuutigineqarpoq, politiinspektøri Thomas Anderskov Riis oqarpoq.

Suliamut atatillugu angut tigusarineqareerpoq.

Britta Nielsen 2002-imit 2018-p tungaanut peqquserlussimasutut pasineqarpoq. Peqquserlussimanerli 1997-imit aallartissimasinnaanera maanna misissorneqarpoq. Pasinartumik nuussisoqartarsimanera misissorneqarluni.

/ritzau/

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.