Politiit ullormut nalunaarutaat: Oqarasuaatit arlallit Sisimiuni tillinneqarput
Sisimiuni Pisiffimmi Pisattat pingasunngornermut unnuaani pingasut pingasullu qaangerlugit tanneq sisamat akornanni tillinniarfigineqarpoq. Tassunga tillinniat kiunersut ilisimaneqanngilaq.
Kalaallit Nunaanni Politiit pigaartuisa pisortaat Jørgen Madsen sisamanngornermi ullaakkut taama oqarpoq.
- Politiit tillinniartoqarneranik unnuaq pingasut qaangeraa nalunaarfigineqarput, pisumilu tassani takunnittoqarsimappat politiinut attaveqaqqunaqaat, Jørgen Madsen oqarpoq.
Oqarasuaatit angallattakkat Iphonesit allallu tillinneqarput, tillitalli qassiunersut ilisimaneqanngitsoq, politiit pigaartuisa pisortaat oqarpoq. Taamaammat oqarasuaatinik angallattakkanik akikinaaraluni tuniniaasoqarneranik alaatsinaattoqarnissaanik taanna kajumissaarivoq.
- Inummit allamit pisilersaartilluni pisiarilersaakkap tillitaaratarsimanissaa ingalassimaniarlugu pisiarineranut allagartaqarnersoq apereqqaarnissaq pitsaanerpaajuaannarpoq, Jørgen Madsen oqarpoq.
Politiit unnuaq pisoq pillugu suliami misissuileruttormata allamik oqaaseqarsinnaanngikkallarluni, politiit pigaartuisa pisortaat ilisimatitsivoq. Tillinniat kiusimasinnaanerannik paasisaqarsimanerlutik aamma oqaatigisinnaannginerarpaa.
