Nivi Olsen Ilulissani ilinniarnertuunngorniarfiinnaanngitsumik piumasaqartoq

Aasianni GUX-ip atorunnaarsinneqarnissaa pillugu Ilinniartitaanermut Naalakkersuisoq Nivi Olseni (D) pilersaaruteqanngilaq. Taammaakkaluartoq Ilulissani ilinniarfimmik pilersitsinissaq suli anguniarpaa.

Kisianni taanna isumaqarpoq ilinniarnertuunngorniarfiinnaanngitsumik pilersitsisoqassasoq, taama tusagassiutinut nalunaarummi allappoq.

- Naalakkersuisunit taamaallaat ilinniarnertuunngorniarfinnik pisariaqartitsineq
kisiat isiginianngilarput, kisiannili aamma inuussutissarsiutitigut ilinniartitaanertigut pisariaqartitsineq Avannaata Kommuniani inuiaqatigiinnut naleqqussagaasoq ilanngullugu isiginiarparput. Taanna tusagassiutinut nalunaarummi allappoq.

Tamatuma saniatigut sulisut pioreersut ilinniarsimasut ilinniarsimanngitsullu pikkorissartinneqarnissaat ilinniaqqinnissamullu periarfissaqassapput.

Inatsisartut siunnersuutaannut Jens NapãtôK’-mit (N) qaqinneqartumut ilaatigu Nivi Olsen imatut akissuteqarpoq:

- Avannaata Kommuniani kommunalbestyrelse-p Naalakkersuisut oqaloqatigisarneranni pisariaqartitsinertik oqariartuutigisarpaat inuussutissarsiutinut assigiinngiiaartunut atasumik periarfissat eqqarsaatigalugit, ilinniagaqartut periarfissaat suliamik ilinniarsimasunngornissamut, imaluunniit inuussutissarsiornermut sammisumik ilinniagartuunngorniarnissamut, ingerlaqqiffiusunik ilinniagaqartoqarsinnaaqqullugu.

- Ilutigisaanik Naalakkersuisut kissaatigaat qitiusumik ingerlatsivimmik pilersitsisoqarnissaa, pikkorissaqqiffiusinnaasumik, kiisalu sulisooreersut ingerlaqqiffiusumik ilinniartitaaffigisassaannik ilinniaqqiffigisassaannillu pilersitsisoqarnissaa.

Ilinniarfinni suussutsit assigiinngitsut nuna tamakkerlugu iluaqutaassasut, Nivi Olsen isumaqarpoq.

- Tamanna pillugu pingaarutilimmik erseqqissaassutigissavarput, Aasianni GUX atorunnaarsikkusunngilarput suliamulli peqataatikkusullugit qaaqquagut, taakkuuppummi ilinniarnertuunngorniarfimmi ikaarsaarnermi piginnaasaqartut, taanna oqarpoq.

Taamaattumik pingaarluinnarpoq Naalakkersuisoqatigiinni nutaani nunatsinni inuussutissarsiortut aamma kommunit qanimut suleqatiginissaat inuiaqatigiinni pisariaqartitsineq piusoq aallaavigalugu, Nivi Olsen isumaqarpoq.

Atuarfinnik allanik pisariaqartitsineq

Oqaluuserisap uteqattaarneqartuarnera arlalinnit nuannarineqanngitsoq.

Naalakkersuisut qanoq ilinniarfinnik allanik aaqqiissutissanik eqqarsaatigisimaneraat, Kommune Qeqertalimmi borgmesteri Simigaq Heilmann tusagassiutinut nalunaarummini allappoq. 

Ilinniarfinnik assinginik allanik amerlanerusunik pilersitsinissaq kingunerluuteqangaatsiarsinnaasoq, taanna isumaqarpoq.

Ullumikkut inuusuttuaqqat suli angajoqqaaminnik pisariaqartitsisut nunaqarfinni najugaqartuunertik pissutigalugu, suli ukiukillutik angajoqqaatik qimallugit illoqarfinnut qaninnernut ilinniariartortinneqartarnerisa siunertaa paasisinnaallugu, Borgmesteri tusagassiutinut nalunaarummini allappoq, kisianni isorliunerusuni meeqqat atuarfiini atuartunut ajunnginnerusumik aaqqiissuteqartoqarnissaa aamma pisariaqartoq erseqqissaatigaa.

aaqqiissuteqartoqarnissaa aamma pisariaqartoq erseqqissaatigaa.

Læs også Forslag til Inatsisartut: Unge udenfor uddannelsessystemet skal opsøges bedre

Simigaq Heilmann oqarpoq, meeraqartoq nunaqarfinneersunik illoqarfimmut meeqqat atuarfiannut atuariartortariaqartartunik. Angajoqqaatik piffissaq sivisooq najortussaajunnaartarlugit. 

Uani isorliunerusuni meeqqanut ilinniartitaanermi aaqqissuussinikkut immikkoortunut allanut pilersitsiniarneq atorneqarsinnaannginnersoq, borgmesteri Inatsisartunut apeqquteqaateqarpoq. 

- Inatsisartut kaammattorusuppakka sumiiffitsik kisiat pinnagu nunatsinni ilinniarfimmik nunatta inuisa tamarmik ilinniarfigisinnaasaannik pilersitsinissamik suliniaqqullugit, Simigaq Heilmann allappoq.