Politiit ullormut nalunaarutaat: Narsami inissiaqarfimmi ikuallattoqartoq
Narsami blok D-mi pingasunngornermi unnukkut ikuallattoqarpoq. Inissiaqarfinni arfinilinni najugaqartut allamut inissinneqarput.
Narsami blok D-mi pingasunngornermi unnukkut ikuallattoqarnerata kingusinerisaanik inissiani arfinilinni najugaqartut allamut inissinneqarput.
Allattoq Nicole Sander Bertelsen
decembarip 04-at 2025 10:16
Nutserisoq Connie Fontain
Narsami blok D-mi ikuallattoqarnera pingasunngornermi unnukkut arfineq-marlunngunngitsiartoq nalunaarutigineqarpoq. Ikuallattoq aqunneqarsinnaalersoq upalungaarsimasut nalunaaqutaq 19.07 nalunaarutigaat.
- Inissiani arfinilinni najugaqartut ikuallattoqarnerata kingorna allamut inissinneqarput, innuttaasoq ataaseq uuneqalaarpoq, Kalaallit Nunaanni Politiit sillimassuisa pisortaat, Andreas Nordentoft oqarpoq.
Politiit suliamik suli misissueqqissaarput, ikuallattoqarnera ajutoornikkut ikuallannerusoq isummiuteqqagaat, sillimasut pisortaat oqarpoq.
