Mette F. Kalaallit Nunaata Savalimmiullu Nunat Avannarliit Siunnersuisoqatigiivini peqataatinneqarnerunissaannut tapersiisoq
Nunat Avannarliit Siunnersoqatigiivi ataatsimiikkaangasa Savalimmiut aamma Kalaallit Nunaat Danmarkimi naligiissaarinerup assinganik peqataatinneqassasut, Danmarkip ministeriunera Mette Frederiksen isumaqarpoq.
Mette Frederiksen ippassaq taama oqartoq, Altinget allappoq.
Nunatsinniit Nunat Avannarliit siunnersoqatigiivi ataatsimeersuarneranni peqataasarneq ukiormanna unitsikkallarneqaqqavoq.
Peqataannginnermut Nunat Avannarliit siunnersoqatigiivisa siulersuisui Sverigemi ippassaq ataatsimiinneranni kalaallit qaaqqusaannginnerat tunngavilersuutaavoq.
Savalimmiut aamma kalaallit sutigut tamatigut peqataatinneqarnissaat, Mette Frederiksenip taperserpaa.
Suleqatini Sverige, Norge, Finland kiisalu Islandimiut assinganik eqqarsalernissaannik kaammattuummik ministeriunerup allaffigigai, Altinget allappoq.
Helsingforsimi isumaqatigiissutip - tassa kalaallit savalimmiullu tamkkiisumik ilaasortaalernissaannik anguniagaqarfiusumik - allanngorneqarnissaanik, Mette Frederiksen allappoq.
