Zelenskyj Nunat Avannarliit Siunnersuisoqatigiivisa Islandimi ataatsimiinneranni peqataassasoq
Ukrainep præsidentiata nunat avannarliit ministeriuneri Nunat Avannarliit Siunnersuisoqatigiivisa marlunngornermi ataatsimiinneranni naapissavai.
Ministeriunerup Mette Frederiksenip Zelenskyj ataatsimeeqatigissaneraa allassimasoqanngilaq.
Allattoq Ritzau
oktobarip 28-at 2024 12:53
Nutserisoq Mads Lynge
Ukrainep præsidentia Volodymyr Zelenskyj, Nunat Avannarliit Siunnersuisoqatigiivisa Islandip illoqarfiisa pingaarnersaanni Reykjavikimi ataatsimiinnerannut marlunngornermi peqataassaaq.
Zelenskyj oqalugiassaaq, nunanilu avannarlerni naalakkersuinikkut siuttui tamarmik immikkut ataatsimeeqatigisassallugit.
Ministeriunerup Mette Frederiksenip Zelenskyj ataatsimeeqatigissaneraa allassimasoqanngilaq.
Nunat Avannarliit Siunnersuisoqatigiit præsidentiat Bryndís Haraldsdottír ima oqaaseqarpoq:
- Nunani avannarlerni partiit assigiinngitsut Ukraine tapersersoraat tulluusimaarutigaarput. Ruslandip Ukraine 2022-mi saassutilermaguli nunat avannarliit Ukraine tapersersorsimavaat, taanna oqarpoq.
