Meeqqat isaannit kalaallit ulluinnarni inuunerisa qanoq innerannik piviusulersaarut Robertimik nersornaaserneqartoq

Tv-mi aallakaatitassiaq nangeqattaartoq ”Min klasse i Grønland” (kalaallisut: “Kalaallit Nunaanni klassiga”, aaqq.) filmini naatsunik suliarineqarsimasuni  piviusulersaarutitut pitsaanerpaatut Robertimik ukioq manna nersornaaserneqarpoq.

”Min klasse i Grønland”-mik filmiliortut nersornaaserneqarnerminnut atatillugu kalaallit meerartaannut tapersersuillutik oqaaseqarput, USA-p præsidentiata Kalaallit Nunaannik tiguaaniarluni arlaleriarluni oqaaseqartarneranut tunngatillugu.  

- Piffissami ilungersunartorsiorfiusumi nanertuutaasumilu inuupput, tamannalu sivisuumik malugissavaat. Tapersersorneqartariaqarput isumassorneqarlutillu, Københavnimi Tivoli Hotel & Congress Centerimi oqaluttarfimmit oqalugiartoq oqarpoq.

Nersornaaserneqartuttaaq Robertimik nersornaasiisartut, Danmarks Filmakademi, qutsavigaat.

Ilitsersuisartup nersornaaserneqartup Ulla Søep Ilulissani Mathias Storchip Atuarfiani 5.A-mi atuartut ukioq ataaseq sinnerlugu malinnaaffigai.

Ilinniartitsissutigineqarsinnaasunik suliaqartut

"Min klasse i Grønland"-imi ikinngutigiinneq ataatsimoornerlu sammineqarput, ilaatigullu qimussimik sukkanniuunnermik malinnaasut, kaffillernermi juullimullu tuniniaanerni meeqqat malinnaavigineqarput.

Ilitsersuisup aamma kalaallit meerartaasa Danmarkimi Svendborgimi klassi ikinngutaa filmiliaraa. 

Piviusulersaarutip nangeqattaartup saniatigut atuartunut ilinniartitsissutigineqarsinnaasunik  aamma suliaqartoqarpoq. Taakku Kalaallit Nunaanni meeqqat inuusuttullu pillugit ilisimasaqarnerulersitsisussaapput.

Tamanna inuusuttunut isiginnaartunut naalagaaffeqatigiit akimorlugit qanoq ataatsimoorfeqartiginitsinnik ilikkagaqarnissamut periarfissiissaaq.

DR-ip Ramasjangiani "Min klasse i Grønland" 2025-mi januaarip 27-anni takuteqqaarneqarpoq – Trumpip Kalaallit Nunaannik aqutsinissaminik piffissami tamatumani kissaateqaqqippoq, sillimaniarneq tunngavigalugu. 

/ritzau/