Kangerlussuup Københavnillu akornanni marlunngornerni timmisartuussisarnerit pisarnertut ingerlaannassasut
Air Greenlandip Albatros Arctic Circlep isumaqatigiissutaanni nutaami, Kangerlussuup Københavnillu akornanni aappaagu toqqaannartumik timmisartuussisoqartassasoq isumaqatigiissutigineqarpoq.
Tamanna takornariaqarnerup tungaatigut illoqarfimmilu angalanissamut pisariaqartitsisunut qulakkeerinnissaaq – naak Københavnimut timmisartuussinerit sapaatip-akunneranut ataasiaannarlutik pisartussanngoraluartut. Illoqarfiit taakku akornanni ukioq manna sapaatip akunneranut marloriarluni timmisartuussisoqartarsimavoq.
Kangerlussuup Københavnillu akornanni timmisartuussinerit 2026-mi februaarip qulingani aallartissapput aappaagulu oktobarip 20-ata tungaanut timmisartuussisoqartassaaq.
- Kangerlussuarmut, Sisimiunut Ilulissanullu angalasartorpassuarnut ilassutissaalluarpoq, timmisartuussinerit taamaaliornikkut aalaakkaanerussammata, Air Greenlandimi niuernermi pisortaagallartoq Mogens Jensen tusagassiuutinut nalunaarummi oqarpoq.
- Kangerlussuaq angalaffissatut pilerinartuuvoq sulisullu tunniusimasut innuttaasullu suleqatigalugit angalaffissamik aaqqissuussinerput tulluusimaarutigaarput, Jørgen Larsen, Albatros Arctic Circlemi pisortaasoq oqarpoq.
