Danskit siooranartutut naliliineranni USA siooranartutut siullerpaamik inissittoq
Thomas Ahrenkiel, isertortumik paasiniaasartut pisortaat naapertorlugu, nunat mikinerit nunarsuarmut "malittarisassat naapertorlugit aaqqissussinermit inatsisaannerulersumut" isiginnaartuupput.
- Sakkutooqarnikkut pissaanilissuit pingasut USA, Rusland Kinalu, nunarsuarmi aaqqissuussinermut tamarmik immikkut tapersersuinnginnerat maanna takusinnaavarput, taanna aviisimut oqarpoq.
USA-p maanna "aningaasaqarnini teknologikkullu siuarsimanini pissaaneqarniarnermut atortarai, aamma iliminut suleqatigisartakkaminullu" nalunaarusiami allaqqavoq.
Maannakkut siooranartoqarnera "sorsunnersuup nillertup naggataaniilli aatsaat taama ilungersunartigisoq“, Ahrenkiel Berlingske-mut oqarpoq.
USA-p saniatigut Rusland Kinalu Danmarkip isumannaatsuunissaanut unamminiarnartutut eqqaaneqarput.
Danmarkimi ministeriuneq Mette Frederiksen, DR naapertorlugu ukioq manna oqarpoq, USA Danmarkip qanimut suli suleqatigigaa.
Naak USA-p præsidentiata Donald Trumpip Kalaallit Nunaat tiguarusullugu arlaleriarluni oqartaraluartoq taanna taama oqarpoq.
Nalorninartorsiortitsilersoq
Naalli USA Ruslandi Kinalu allattorsimaffimmeeqatigileraluarai, Ahrenkielip erseqqissarpaa USA Danmarkip suli suleqatigilluarnerpaagaa aamma "Europap isumannaatsuunissaanut qulakkeerinneqataasoq“.
USA-p nunarsuarmik isiginnittaasia allanngoraangat nalorninartorsiornermik pilersitsisarpoq. Tassa USA-p Europap isumannaatsuunissaanut siunissami peqataanissaanut nalorninartorsiorneq pivarput,“ taanna Berlingskemut oqarpoq.
Trumpip Politico-mit marlunngornermi siusinnerusukkut apersorneqarnermini Europami siuttut “sanngiitsuunerarpai”.
- Isumaqarpunga sanngiitsuusut. Aammali isumaqarpunga politikkimut tunngatillugu eqqortumik iliorusunnerujussuusut.
/ritzau/
