Angut toqungasoq Kangaamiuni siumorneqartoq
Angut 49-nik ukiulik Maniitsup eqqaani Kangaamiuni pingasunngornermi ullaap tungaani siumorneqarpoq.
Politiit toqungasumik siumuisoqarneranik suliaq pasinartumik toqusoqarneratut maanna misissueqqissaarfigaat.
Allattoq Nicole Sander Bertelsen
oktobarip 22-at 2025 17:41
Nutserisoq Connie Fontain
Angut 49-nik ukiulik Maniitsup eqqaani Kangaamiuni pingasunngornermi ullaap tungaani siumorneqarpoq.
Kalaallit Nunaanni Politiit tusagassiuutinut nalunaarummi paasissutissiipput, taakku suli pasinartumik toqusoqarneratut misissueqqissaarfigalugu ilanngullugu allappaat.
Taamaammat innuttaasut marlunngornerup oktobarip 21-anit ullumimut tassa oktobarip 22-anut arlaannik takusaqarsimagunik tusaasaqarsimagunilluunniit politiinut saaffiginneqqullugit politiit kaammattuipput.
Innuttaasut politiinut nunaqarfimmiittunut saaffiginnissinnaapput, imaluunniit 70 14 48-mut sianerlutik.
Kalaallit Nunaanni Politiit suliami misissueqqissaartoqarnera pissutigalugu suliamut atatillugu annerusumik oqaaseqarsinnaanatik tusagassiuutinut nalunaarut naggaserpaat.
