Tasiilami unnugu Piteralissaaq: Innuttaasut umiatsiat aamma pigisat tingissinnaasut aalajangersortariaqarpaat
Inuit Tasiilamiittut unnugu nalunaaqutaq 23.00 piteqqap illoqarfimmut apuunnissaa piareersimaffigissavaat. Sisamanngornermi aatsaat nalunaaqutaq 00.00 sakkukillissangitinneqartoq DMI-mit ilimagineqarpoq.
Anorersuaq avannaq kippasimmik 15-23 m/s-inik sakkortutigisumik anorlernissaa, anoraasuarsuartullu sakkortutigisumik anoraasuarujussuarnertalimmik 35 m/s-inik naatsorsuutigineqarpoq.
Kommuneqarfik Sermersuup facebookikkut niuttartakkamini innuttaasut umiatsiaminnik pigisaminnillu tingissinnaasunik aalajangersuinissaannik kaammattuuteqarpoq.
- Tassani sanaartornermut atortut, umiatsiat assigisaallu pineqarput, anorersuullu sakkortunerpaaffiani innuttaasut sapinngisamik isersimaannaqquneqarput, kommune allappoq.
Anorersuup nalaani ikiortariallit kommunimi upalungaarsimasut attaveqarfigisinnaavaat normunut ukununnga sianerluni: 113 aamma 36 77 89.
