Politiit ullormut nalunaarutaat: Sisimiuni ATV-nik angalaartoqarnerata kingorna politiit takunnissimasinnaasunik ujartuipput
Sisimiuni politiit marlunngornerup unnuaani inuit eqimattat ATV-nik aallarussanik politiinit qimaasimasut malersorpaat. Tamanna Kalaallit Nunaanni Politiit paasissutissiissutigaat.
Inuit inuusuttuunerarneqartut illoqarfimmi ATV-nik marlunnik ingerlaartut pillugit politiit nalunaaqutaq 04.33 nalunaarfigineqarput. Politiinilli malinneqaleramik unikkumanngillat.
- Inuit taakku suli ujaarivavut, taamaattumik Sisimiuni takunnittoqarsimappat pisulluunniit pillugit ilisimasaqartoqarpat politiinut attaveqarnissamik kajumissaarivugut. Tamanna uagutsinnut iluaqutaangaassaaq, Kalaallit Nunaanni Politiini pigaartut pisortaat Aputsiaq Hansen oqarpoq.
Marlunngornerup unnuaani inuit marluk Nuummi ATV-nik aallarussanik angalasimasutut unnerluutigineqarput.
- Sisimiuni aamma taama pisoqarsimavoq, ilimagaarpullu ATV-nik aallarussisoqarsimassasoq, taamaattumik ajornartorsiut suli atuuppoq. Politiit malersuitillugit tamanna illoqarfimmi angalasunut ulorianarsinnaavoq. Taamaattumik tamanna ilungersunartutut isigaarput takunnissimasinnaasunillu ujarlerpugut, pigaartut pisortaat oqarpoq.
Ilulissani orniguttoqartoq
Ilulissani politiit marlunngornermi ualikkut orniguffeqarput. Marlunngornermi nalunaaqutaq pingasunut politiit najukkami inunnik pasinartunik takusaqarput.
- Politiit qimmiat politiinit nassarneqarpoq, taassumalu angut hashimik aningaasanillu nassataqarnera paasivaa, ingerlaannarlu unnerluutigineqarpoq, Aputsiaq Hansen oqarpoq.
Maanna suliaq misissorneqarpoq.
