Politiit angallataat Nuummi ikuallattoq
Nuummi Politiit qatserisartullu arlallit ullaap tungaa Nuummi umiarsualivimmiipput.
Politiit qatserisartullu ullaaq manna ikuallattumik qamiteralutik ulappupput.
Allattoq Ann-Sophie Greve Møller
septembarip 10-at 2025 10:13
Nutserisoq Medea Olsen
Qatserisartut Nuummi umiarsualivimmi ikuallattoq qatserlugu qameqqammerpaat. Kalaallit Nunaanni Politiit taamatut ilisimatitsipput
Politiit angallataata Nakuap ikuallalersimaneranik politiit nalunaaqutaq 08.50 nalunaarfigineqarput.
- Ikuallanneq qanoq annertutiginersoq suli oqaatigisinnaanngilarput, qatserisartulli piffimmiipput ikuallattorlu qaminneqarpoq, Kalaallit Nunaata politiivini pigaartut pisortaat Aputsiaq Hansen oqarpoq.
Qatserisartut umiatsiaq misissorpaat, inunnillu navianartorsiortoqanngitsoq nalunaarutigineqarpoq.
Nuummi umiarsualivimmi sapaatip-akunnera kingullermi sisamanngornermi aamma ikuallarujussuartoqarpoq, umiatsiaq ikuallalersimammat. Kissarsuut uuliatortoq ajoqutilik taamani ikuallattoqarneranut pissutaasimagunarpoq.
