Qeqertanumi ammoniakkimik aniasoqartoq
Politiit qatserisartullu Nuummi Nuussuarmi Qeqertanumi Blue Waterip eqqaani piffissami matumani najuupput.
Ammoniakkimik aniasoqarnera tassunga pissutaasoq, politiit paasissutissiiffimminni nutaami DR-update-imi allapput.
Qatserisartut aniasoqarneranik aqutsisinnaalersut taakku allapput.
Aniasoqarnera pissutigalugu Qeqertanut tungaanut Starkillu tungaannut aqquserngit assersorneqarput.
Innuttaasut sumiiffimmiittut matunik igalaanillu matoqqatitsissapput.
Kalaallit Nunaanni Politiit sillimasuisa pisortaata Malik Olesenip anisoqarunnaarmat assersuisoqarunnaarmallu, ingalaat matullu ammatinneqaqqissinnaanerat marlunngornermi ullup qeqqata missaani oqaatigaa.
Qatserisartulli suli aniasoqarfimmi suliaqarput.
Inuit marluk misissorneqassallutik peqqissaavimmukaanneqarput, Malik Olesen oqarpoq.
