Pasinartumik sapaatit akunnerata siuliani toqusoqarneranut atatillugu toqutsisoqarnertut politiit misissoraat

Nuummi sapaatit akunnerata siuliani sisamanngornerup ullaassaani inissiami inuup toqungasup timaa siumorneqarpoq. Politiit toqutsisoqarsimaneratut tamanna misisissuivigigaat Kalaallit Nunaanni Politiit ataasinngornermi ualikkut nalunaarutigaat.

Allattoq Nicole Sander Bertelsen

aggustip 11-at 2025 15:05

Nutserisoq Mads Lynge

Inuup toqungasup timaa Nuummi inissiat ilaanni sapaatit akunnerata siuliani siumorneqarpoq. Arnaq 44-nik ukiulik toqungasoq pineqartoq, politiit tusagassiorfinnut nalunaarummi ataasinngornermi ualikkut allapput.

Suliaq toqutsisoqarsimaneratut misissuivigineqartoq Kalaallit Nunaanni Politiit tusagassiorfinut nalunaarummi allaaseraat. Angut 29-nik ukiulik suliamut atatillugu tigusarineqarpoq, taannalu toqutsisimasutut maanna pasineqarpoq.

Aamma atuarukAngut 29-nik ukiulik pasinartumik toqusoqarneranut atatillugu suliami tigusarineqartoq

- Pinerluttoqarsimaneranik misissuisartut, toqusullu timaannik misissuisartut Danmarkimit tikisinneqarput suliamilu taakku ikiuissallutik. Pinerluffiusimasup nalaani misissuineq naammassineqareerpoq, suliamulli atatillugu politiit misissuinertik nangippaat, vicepolitiinspektøri Malik Sandgren tusagassiorfinnut nalunaarummi oqarpoq.

Angutip 29-nik ukiullip suliamut atatillugu sassartinneqarnera matoqqasumik pivoq, politiillu tamanna pillugu suliamut atatillugu itinerusumik oqaaseqarsinnaanngikkallarput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.