Nutaarsiassaq tusarnaaruk Politiit ullormut nalunaarutaat: Nuummut 200 gramimik eqqusseriartoq tigusarineqartoq Angut kokainimik 200 graminik oqimaassusilimmik timmisartukkut Nuummut sapaammi eqqusseriarsimasutut pasineqartoq ullumi sassartinneqassaaq. Assi © : KNR / Malik Brøns Allattoq Ritzau novembarip 09-at 2026 08:15 Nutserisoq Brian Jensen Inuk kokainimik 200 graminik oqimaassusilimmik timmisartukkut Nuummut eqqussiniarsimasutut sapaammi pasineqarpoq. Tigusarineqartoq eqqartuussivimmut ullumi sassartinneqassaaq. Inuk timmisartukkut Nuummut kokainimik eqqussiniarsimasoq, sapaammi nal. 11.43 politiit nalunaarfigineqarput. -Akileraartarnermut oqartussaasut mittarfimmi inuk kokainimik eqqussiniartoq unitsissimavaat, Kalaallit Nunaanni Politiini sillimasut pisortaat Jørgen Madsen oqaluttuarpoq. Taassuma kokaini pineqartoq 200 gramit missaanniittoq, inullu pineqartoq eqqartuussivimmut ullumi kingusinnerusukkut sassartinneqassasoq oqaatigaa . Sillimasut pisortaata imigassamut attuumassuteqartunik ulloq unnuarlu kingullermi pisoqartarsimasoq ilanngullugu oqaluttuaraa. Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.