Nunat NATO-mut ilaasortat illersornissamut sillimaniarnermullu siunissami aningaasaliinerusalerniartut
Nunat NATO-mut ilaasortat Haagimi ataatsimeersuarnerminni naalagaaffimmik tunisaasa ataatsimut nalingisa ikinnerpaamik 5 procentiinik illersornissamut sillimaniarnermullu aningaasartuuteqartalernissartik isumaqatigiissutigigaat nalunaarummi allassimavoq.
NATO-mut ilaasortat NATO pillugu aalajangersakkami immikkoortoq 5-imi allassimasoq naapertorlugu ataatsimuussusermut isumaqatigiissuteqarnerat attanneqartoq aamma uppernarsarneqarpoq.
USA-p tamaasilluni aamma akuersaarpaa assersuutigalugu nunat ilaat NATO-mut ilaasortaq saassunneqassagluarpat illersorniarlugu.
Nutaarsiassaqartitsivik Ritzau taama allappoq.
Siunissamili Natomi procentinik pingasut affaannik “sakkortunerusumik” illersornissamut aningaasartuutinut – soorlu aqerlunut aamma sakkulersuutinut tamalaanut atussapput, procentinik ataatsimik affaanillu annertutigisut isumannaallisaanermut annertunerusumik paasineqarsinnaasunut aningaasartuuteqartoqassaaq.
