Naalakkersuisoqarfimmi pisortaq nutaaq toqqarneqartoq

Isumaginninnermut, Suliffeqarnermut Nunamullu Namminermut Naalakkersuisoqarfik pisortamik nutaamik atorfinitsitsivoq. Mikael Mansi Rasmussen Kommune Qeqertalimmi atorfeqartoq toqqarneqarpoq.

Allattoq Nicole Sander Bertelsen

oktobarip 30-at 2025 10:43

Nutserisoq Karla Heilmann

Mikael Mansi Rasmussen 43-nik ukiulik Isumaginninnermut, Suliffeqarnermut Nunamullu Namminermut Naalakkersuisoqarfimmi Naalakkersuisut atorfinitsippaat.

Naalakkersuisut Siulittaasuata Naalakkersuisoqarfia tusagassiuutinut nalunaarummi taama allappoq.

Naalakkersuisoqarfimmi pisortartaassaq Qeqertalimmi Kulturimut, Sunngiffimmi, Timersornermut, pinaveersaartitsinermut Majoriamullu Ingerlatsivimmi immikkoortumi aqutsisutut atorfimmit nuussaaq.

Suliaqarfimmi aqutsisutut misilittagaqarluarnermigut pitsaasumik pisortartaassaq inissisimasoq, tusagassiuutinut nalunaartummi allaaserineqarpoq.

- Executive MBA-mi ilinniagaqarnermigut ukiunilu arlalinni pisortat suliffeqarfiutaanni aqutsisutut misilitagaqarnermigut, suliaqarfinni sulisut peqatigalugit suliassanut kivitseqataalluarnissamut misilittagaqarpoq, taama allapput.

Mikael Mansi Rasmussen decembarip aallaqqaataani 2025 atorfittaamini sulilissaaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.