Naluttarfiup Maliup matuneqarnissaa kinguartinneqartoq
Naluttarfik Malik januaarip aallaqqaataanni 2026-mi matusussaagaluarpoq, naluttarfiulli matunissaa marsip aallaqqaataanut 2026-mut kinguartinneqartoq.
Allattoq Nicole Sander Bertelsen
decembarip 17-at 2025 14:59
Nutserisoq Medea Olsen
Naluttarfik Malik nutarsarneqartussaavoq. Tamanna pissutigalugu naluttarfiup januaarip aallaqqaataani matuneqarnissaa Kommuneqarfik Sermersuup ukioq manna siusinnerusukkut nalunaarutigaa.
Matunissaali marsip aallaqqaataanut maanna kinguartinneqarpoq. Kommunip nittartakkaminni tamanna aallaaseraat.
Tamanna nutarsaanissamik suliassinneqartup tunuarneranik pissuteqarpoq, taamaattumillu suliarineqarnissaanut piffissaliussaq allanngortinneqarpoq, kommuni allappoq.
Naluttarfiullu silaannarissarfiata ajorteqqajaanera kommunimit maluginiaqquneqarpoq, taamaattumik silaannarissarfik ajortissappat naluttarfik matuneqariataarsinnaavoq.
Nutarsaasussanik allanik nassaartoqarsimanersoq kommunimit allaaserineqanngilaq.
