Inuusuttut marluk Sisimiuni politiinit ujaarineqartut
Nutarterineq: Inuusuttut marluk nassaarineqarlutillu tigummigallarneqarput. Taamaammat KNR-ip politiit ujaasinermut atatillugu saqqummiussaat nunguterpaa, aqqillu allassimasut peerlugit.
Pingasunngornermi ualikkut politiit nalunaarput inuusuttut marluk 17-inik ukiullit Sisimiuni ujaarineqartut.
Politiit facebook-minni taamak allapput.
Politiiniit kaammattuutigineqarpoq inuusuttut takuneqarpata politiit attavigineqassasut.
- Mianersoqqutigineqarpoq inuusuttut pineqartut uloriarnarsinnaammata.
Ujaarineqartut ima nassuiaatigineqarput.
Angut, 17-nik ukiulik, kalaallisut isikkoqarpoq, 170 cm takissusilik tuattoq, nujai naatsut, qungatsimigut angisuumik kakiornilik.
Kingullermik takuneqarami atugarai: Atisat timersuutit taartut, Nike kavaajaq, teqqiaq taartoq, kamippaat.
Angut, 17-nik ukiulik, kalaallisut isikkulik, 175-180 cm takissusilik, naatsunik umeqarpoq, nujai naatsut,
Kingullermik takuneqarami atugarai: Atisat timersuutit taartut, Nike kavaajaq, teqqiaq taartoq, kamippaat.
Politiininngaanniit nalunaarutigineqanngilaq sooq inuusuttut ujaarineqarnersut, takuneqassappatali politiinut sianerfissaq unaavoq: 70 14 48.
