Inuit sisamat Nuup kangiani apummik sisoortoqarnerata kingorna ajoqusingaatsiartut
Nutarterneqarpoq: Kalaallit Nunaanni Politiit ajutoortuni 17-inik ukiulik ajunaarsimasoq , marluk napparsimmavimmut unitsinneqartut sisamaallu ajoqusersimanngitsoq arfininngornermi unnukkut nalunaarutigaat.
Inuit sisamat Qassimi Nuup kangianiittumi apummik sisoortoqarnerata kingorna tammaaneqalermata ujaasisoqalerpoq.
Ajutoortoqarneranik nalunaarut Kalaallit Nunaanni Politiinut nalunaaqutaq 15.45 annguppoq.
Upalungaarsimasut inuit sisamat tammaaneqartut pillugit nalunaaruteqartoqarmat ujaasillutik aallartipput, inuillu allat marluk qaqqap qaavaniipput.
Kalaallit Nunaanni Politiini sillimasut pisortaat Karsten Højrup Kristensen KNR-imut nalunaaqutaq 17.40 oqarpoq, inuit sisamat nillaallaqqasut apummi minutsit qulit sioqqullugit nassaarineqarsimasut taakkualu Nuup mittarfianiit napparsimmavimmukaanneqartut.
Inuit arfinillit taakkua sumiiffimmi tassani qamuteralannik angalaarsimasut, sillimasut pisortaat oqaluttuarpoq.
