Politiit ullormut nalunaarutaat: Angut tigusarinninnermut akuliussimasutut tigusarineqartoq
Angut tigusarinninnermut akuliulluni kanngusaaraluni oqalussimasutut arfininngornerup unnuaani tigusarineqarpoq.
Allattoq Nicole Sander Bertelsen
juulip 13-at 2026 08:49
Nutserisoq Ivalu Thorleifsen
Angut imigassartorsimatilluni biilersimasutut Ilulissani sapaammi ullaakkut tigusarineqarpoq. Tigusarineqarneranut angut alla akuliussimavoq politiinullu kanngusaaraluni oqalussimalluni.
Tamannalu pillugu angut tigusarineqarpoq. Angutit marluk isertitsivimmukaanneqarput tassanilu unnuisinneqareerlutik kingorna iperagaapput.
Angutip imigassartorsimatilluni biilersimasup aavata qanoq imigassaqartiginera paasiniarlugu aaversinneqarpoq.
Aavata qanoq imigassaqartiginera sillimasut pisortaata oqaatiginngilaa angutilli marluk suliap eqqartuussivikkoortinneqarnissaanik naatsorsuuteqassasut erseqqissaatigaa.
Angut pisumut akuliuttoq oqartussat pisortaannik kanngunarsaasimasutut unnerluutigineqarpoq.
