Politiit ullormut nalunaarutaat: Angut pinngitsaaliilluni kujannissimasutut tigummigallarneqartoq
Pinngitsaalilluni kujannittoqarsimaneranik marloriarluni sapaatip-akunnerata naanerani nalunaaruteqartoqareernerani, angut sapaatip-akunnerini sisamani tigummigallarneqarpoq.
Allattoq Nicole Sander Bertelsen
februaarip 09-at 2026 10:21
Nutserisoq Karla Heilmann
Arnat assigiinngitsut marluk angummit ataatsimit, sapaammut unnuaani pinngitsaaliilluni kujannissimaneranik marloriarluni nalunaaruteqartoqareernerani, sapaatip-akunnerini sisamani tigummigallarneqartussanngorpoq.
Kalaallit Nunaata Politiivini pigaartut pisortaat Aputsiaq Hansen ataasinngornermi ullaap-tungaa paasissutissiivoq.
- Pinerluttup pinerlineqartulluunniit ukiui pillugit oqaaseqarsinnaanngilanga, kisianni tigummigallarneqartoq inersimasuuvoq, Aputsiaq Hansen oqarpoq.
Tigummigallarneqartoq assingusunik unioqqutitsinikuusoq politiinit ilisimaneqarpoq, pigaartut pisortaat oqaluttuarpoq.
Suliaq maanna misissorneqaqqissaaq eqqartuussisoqassallunilu, Aputsiaq Hansen paasissutissiivoq.
