Rasmus Lyberth nersorinninniummik højskoleprisimik nersornaaserneqartoq

Folkehøjskolernes Foreningip nersorinninniut, Den Folkelige Sangs Pris Rønde Højskolemi ukiumoortumik ataatsimiinnermini tunniuppaa.

Nersorinninniut taalliortumut erinarsortartumullu, Rasmus Lyberthimut ukioq manna tunniunneqarpoq.

Folkehøjskolernes Forening tusagassiuutinut nalunaarummi allappoq.

- Ukioq manna nersornaaserneqartup nunaqqatiminut inuiaqatigiinnut erinarsuutinik, oqaatsinik oqaluttuanillu peqartunut ilaasut oqaluttuassamisulli isigaa. Nuna immineq kulturikkut pisoorsuusuuvoq, Marianne Søgaard Silkeborg Højskolemi ilinniartitsisoq nersornaasiinissamullu naliliisartunut ilaasoq oqarpoq, nangillunilu:

- Erinarsugai meeqqat atuarfiini, ilinniarnertuunngorniarfimmi atuartunit inersimasunillu atorneqartarput, nunarsuarmilu sumiiffinni assigiinngitsuni angisuuni – nammineq oqaatsini: kalaallisut atorlugit tusarnaartitsisarluni.

Nersornaat inunnut erinarsornermi kingornussassanik arlaatigut siammartereqataasunut tunniunneqartarpoq.

- Uagut kalaallit nunarsuup ilagigaatigut ilisimassavarput, nunarsuarmi angisuumi kikkuunerput aamma ilisimaneqassaaq. Nunarsuup tupinnartup pinngorfimma nunarsuarmut angisuumut, inuuffigisatsinnut aamma isumassarsititsisinnaanissaa kissaatigaara, Rasmus Lyberth nersornaaserneqarnerminut atatillugu oqarpoq.

Nersornaat 40.000 koruuninik aningaasartaqarpoq.