Politiit ullormut nalunaarutaat: Nuummi ikuallattoq

Nuummi illoqarfiup Maskinistkollegiami pingasunngornermi ullaakkut ikuallattoqarpoq. Inunnik ajoqusertoqarneranik nalunaarutiginnittoqanngilaq.

Allattoq Victoria Julie Schou

decembarip 10-at 2025 11:29

Nutserisoq Connie Fontain

Politiit Nuummi ikuallattoqartillugu kalerrisaarutip aallartinnerata kingorna nalunaaqutaq 08:46 nalunaarfigineqarput.

Nuummi ilinniartut ineqarfiat Maskinistkollegiet ikuallalersimavoq.

Sillimasut pisortaat, Poul Kreutzmann oqarpoq.

Politiit biilii arlallit qatsersartullu sumiiffimmut ornigutsinneqarput. Ikuallanneq tamatuma kingorna erngertumik qaminneqarpoq, sillimasut pisortaat paasissutissiivoq.

Inunnik ajoqusersoqarneranik imaluunniit illup ajoquserneranik piffissami matumani nalunaarutiginnittoqanngilaq.

Ikuallattoq inersuarmi aallartissimavoq, kisianni qanoq ikuallattoqalersimanera – aamma pinerluuteqartoqarsimanersoq – politiit maanna misissuiffigissavaat.

Ilinniartut allamut inissinneqarnissaat pisariaqassappat ilinniartut ineqarfiisa allaffeqarfiata (KAF-ip) tamanna isumagissagaa, sillimasut pisortaat oqarpoq. Tamannali pisariaqarnersoq ilisimaneqanngilaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.