Nuummi anorersuarujussuartut sakkortutigisumik anoraasuarujussuassaaq
Nuummi ataasinngornermi sialuttalimmik anoraasuarujussuarnera aallartippoq, ullup sinnera taamaat taamaaginnassasoq, DMI-mi Nuummi silasiortoq Jens Lindskjold oqarpoq.
– Nuummi ullumikkut sialuttalimmik anorersuarujussuartut sakkortutigisumik anoraasuarujussuartarnissaa naatsorsuutigineqarsinnaavoq, Jens Lindskjold oqarpoq.
– Sakkortuumik anorersuuvoq, kisianni ullup qeqqata missaani sakkortunerpaaffigissagaa naatsorsuutigisinnaavoq, Jens Lindskjold ilanngullugu oqarpoq.
Pigisat atortullu silamiittut qajarnaarneqassapput
Anoraasuartarnerani anorip sukkassusaa sekundimut 25-it 28-illu meeterit akornanni sukkassuseqarsinnaavoq – taannalu anorersuartut sakkortutigivoq.
– Nuummi anorersuartarnera naliginnaavoq, kisianni aasakkut tamanna nalinginnaanngilaq, Jens Lindskjold oqarpoq.
Anorip aamma sialuup ullumi akulerinnerat pissutigalugu, pigisat atortullu silamiittut qajannaarneqassapput, sillimmanissamik teqqaasinnaasunillu isumannaarsuinissamik kaammattuilluni, silasiortoq oqaluttuarpoq.
Sisimiuni Paamiunilu malugineqalaarsinnaavoq
– Aporaaffik anorleritalik sialuttalillu kitaaneersuuvoq, Nuuk sakkortunerpaamik eqqugaassaaq. Sisimiut Paamiullu akornanni aamma malugineqarsinnaassaaq.
Aporaaffiup Sermersuup nalaanut illuariartornerani, marlunngornermi unnuap ingerlanerani anoraarukkiartulissaaq.
