Trumpimut siunnersortaasimasoq: Naggueqatigiit inuit USA-mut akerliussutsimik takutitsinngillat

Drew Horn Kalaallit Nunaannut attaveqarnermik siorna ingerlatsiniarsarivoq. Taanna akerliussutsimik takutitsisut pillugit eqqunngitsumik paasissutissanik maanna siammarterillunilu naalakkersuisut quianarnerarpai.

Allattoq Markus Valentin

februaarip 02-at 2026 11:36

Nutserisoq Connie Fontain

Drew Hornip aalisarnermut, aatsitassarsiornermut, paasissutissaasivinnut, erngullu nukinganut aningaasaleerusunnini KNR-imut maajimi pulaarnermini oqaatigaa.

Taanna Trumpip ataani atorfeqarsimasutut aamma aningaasaliisarfimmi Præsidentip Illorsuanut suli atassuteqartumi pisortatut oqaaseqarpoq.

Præsidentilli oqaaserisarpassui akerlilerpai.

- Præsident Trump sinnerlugu oqalussinnaanngilanga. Isumaqarpunga oqariartuutit amerlasuut ajornakusoortunngorsagaallutillu paatsiveerusimaarnartunngortinneqartut. Oqaatsip ’tiguaanissa’-p atornissaa piviusorsiornerunngitsoq isumaqarpunga. Niuernermut tunngasut pineqarnerpaagunarput, Drew Horn oqarpoq.

- Ilimagilluinnagara tassaavoq kalaallit USA-mut; aammali Natomi suleqatigisanut iluaqutaasumik namminneq aalajangiisinnaatitaanissaat kikkunnit tamanit kissaatigineqartoq.

Drew Horn, you seem to have completely forgotten your own words from when you appeared on KNR, Greenland national tv 8 months ago — especially judging by what was posted on Trump’s social media platform, Truth Social, two days ago, from your president.

Oh, btw: Greenland has… pic.twitter.com/YGHujYYAnB
— Orla Joelsen (@OJoelsen) January 18, 2026

Taannali maannakkut oqaaseqaraangami allatut sammivilimmik oqaaseqartarpoq.

Taanna USA-mut tunngatillugu ukioq manna ajornartooqqasoqarnerata nalaani USA-mi TV-kkoorpoq. Taassumalu naalakkersuisut politikkiat 'quianartuunerarlugulu' Europami nuna 'meerarpalunnerarpai'.

Tamatuma saniatigut nunatsinni Danmarkimilu USA-mut akerliussutsimik takutitsisoqarneri pillugit eqqunngitsumik paasissutissanik siammarterilluni.

Drew Horn isornartorsiuinermut akissuteqartoq

KNR-ip Drew Horn naalakkersuisunut akerliliisumik sooq oqaaseqarnersoq aamma akerliussutsimik takutitsinerit pillugit sooq eqqunngitsumik paasissutissiinersoq paasiniaaffigalugu attaveqarfigaa.

Drew Horn allakkatigut akissummi ima allappoq:

- Tusagassiorfinnut oqaatsikka oqaaseqaatikkalu eqqortumik nassuiaaserneqanngillat. ”Quianartumik” taasara Danmarkip USA-llu akornannik toqqaanissamut tunngassuteqarpoq. Kalaallit taama aalajangeeqqusaanissaat taamalu toqqaanissap pisariaqarneratut oqariartorneq paasissutissanik allamut sangutitsisoqarnera quianarpoq. Piviusoq tassaavoq Kalaallit Nunaat nammineertariaqariaqarpoq, innuttaasummi amerlanerussuteqangaatsiartut namminersornissaq ineriartortitsinissarlu qinernikuuaat.

- Aammattaaq Jens-Frederik nielsenip naalakkersuisoqatigiinnit tapersersorneqanngitsoq oqaatiginikuunngilara. USA-p Kalaallit Nunaatalu akornanni toqqaanissaq taperserneqanngitsoq oqaatigaara. Kalaallit innuttaasut amerlanerussuteqangaatsiartut namminersulernissaq ineriartortitsinissarlu qinernikuuaat – Danmarkimiillu nunaniaatinngortinneqaqqissanatik. Piviusoq tamanna assortorneqarsinnaanngilaq, tamanna tamat isumaannik misissuinerni ilisimaneqartuni ersarilluinnarpoq.

Allisiguk

Naalakkersuisut "quianarnerarai"

Drew Horn Amerikamiut tusagassiorfiannit januaarimi apersorneqarpoq.

Taanna naalakkersuisut siulittaasuata, Jens-Frederik Nielsenip (D) tusagassiortunik katersortitsinerata kingorna aamma akerliussutsimik takutitsisoqarnerata kingorna apersorneqarpoq.

Aamma atuarukTrumpip siunnersortigisimasaa Kalaallit Nunaanni 66 milliardit koruuninik aningaasaliiniarpoq

Trumpip siulittaasorisimasaata Jens-Frederik Nielsenip Kunngeqarfiup Danmarkip ataatsimooqatiginissaanik oqaaseqarneri quianaannartuunerarpai.

- Inuisa USA-mit tapersersorneqarusunnertik erseqqissumik oqaatigaat. Quianaannartunik oqaaseqaraangami imminut taaguussisimasut akuersissuteqarneratigut oqaaseqarneq ajorpoq. Præsidentip Trumpip oqaaseqaatinik quianaannartunik saqqummiussigaangami eqqortumik inissisimasartoq isumaqarpoq.

Akerliussutsimik takutitsisut akerlilerai

Tamatuma kingorna tusagassiorfimmit Real America’s Voicemit apersorneqarpoq.

Drew Hornillu nunatsinnit USA-mut akerliussutsimik takutitsisut Kalaallit Nunaannut nuunnerit danskiunerusut oqaatigai.

Oqarneq tamanna piviusumik tunngaveqanngilluinnarpoq.

Nuummi 2026-mi januaarip 17-ianni akerliussutsimik takutitsinermit video ataani isiginnaarneqarsinnaavoq.

- Piviusumik Danmarkip pisariaqartinneqartut tamarmik Kalaallit Nunaannuinnaanngitsoq, kisianni aamma imminut – Europallu sinneranut iliuuseqarfigisinnaanngilai, Drew Horn oqarpoq.

- USA pingaarnertut tapersiissuteqartuussaaq (aatsitassarsiornermut aaqq.) aamma torersumik suliarineqarnissaat qulakkiissavarput. Europamit aamma Kalaallit Nunaanni sinniisuinit qisuariaatit akerliisoqarneranik oqaaseqartut kukkulluinnarput.

Drew Hornip Københavnip Nuullu assigiinngissusaat apersorneqarnermi nalaani immikkoortissinnaarpasinngilai.

Aamma atuarukAssit videollu: Nunatsinni Danmarkimilu akerliussutsimik takutitsisoqangaatsiartoq

Københavnimi akerliussutsimik takutitsinermit assit takutinneqarneranni Nuummi akerliussutsimik takutitsisut qallunaaginnangajaasut uppernarsaatigaa.

- Akerliussutsimik takutitsinerujussuit eqqunngilluinnartumik takutinneqarput. Danskit nuunnerit ikinnerussuteqartuupput. Inuppassuit qiviarukkit naggueqatigiit inuit amerlanngillat.

- Nuummi akerliussutsimik takutitsinerup danskinit tusindilikkaanit peqataaffigineqarnera kalaallit inuit sorusunnerannik takutitsinngilaq.

“MASS PROTESTS” IN GREENLAND—OR MEDIA SPIN?@DrewHornUSA disputes reports of widespread unrest, saying, “This is totally being misrepresented” and claims “98% of the population of Greenland…is not participating in any of these protests.”@dbrodyreports @realdrgina pic.twitter.com/y8IS28uyfR
— Real America's Voice (RAV) (@RealAmVoice) January 19, 2026

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.