Korea avannarliup kujalliullu isumaqatigiissutaat neriulersitsisoq

Koreap kujalliup avannarliullu ullumi isumaqatigiissutaat nunami eqqisseqatigiinnissamut alloriarnertut siullertut isumalluarnartoq NATO-p qullersaata Jens Stoltenbergip oqaatigaa.

- Nunami isumaqatigiinnginnerup politikkikkut aaqqivigineqarnera NATO-mit tamakkiisumik tapersersorparput. Ukiarmi tikeraarakkit taakku akornanni qanoq naalaruluttoqartiginersoq takusimavara, Stoltenberg oqarpoq.

AAMMA ATUARUK USA-p Korea avannarliullu qanillattornerat Japanip nuannaarutigigaa

Nunanut allanut tunngasunut siuttut sapaatip akunerata siuliani Bruxellesimi naapinnerini taanna oqarpoq. Ataatsimeeqatigiinnermi Danmarkip nunanut allanut ministeria Anders Samuelsen aamma peqataavoq.

AAMMA ATUARUK Samuelsen Korea avannarleq pillugu ataatsimiinnermut peqataalersoq

Koreamiullu isumaqatigiissutaat "takussutissaasoq akuersaarneqartarialittut" Samuelsenip oqaatigaa. Erseqqarinnerusumilli timitaliisoqarnissaa aamma naatsorsuutiginerarpaa Korea avannarlermut kinguneqartitsisoqassanngippat.

- Ilimagisamit pitsaanerusumik pisoqartillugu neriulluarneq avaqqunneqarsinnaanngilaq. Isumaqatigiilli naammassineqaqqaartariaqarpoq atsioqatigiissutigineqaqqaarlunilu, Samuelsen oqarpoq.

/Ritzau/