Kilisaataatilik kuultiusumik nersornaaserneqartoq

Sisimiuneersoq Hanseeraq Enoksen aalisarnermik aallussaqarnini pillugu nunatsinni ataqqinaatit annerpaartaasa ilaannik kuultiusumik nersornaaserneqarpoq.

Allattoq Helle Nørrelund Sørensen

septembarip 18-at 2023 12:32

Nutserisoq Nutaarsiassaqartitsivik / Nyhedsredaktionen

Hanseeraq Enoksen aatsaat nersornaaserneqalinngilaq.

Taannami kilisaatini ukiorpassuarni naalagaasarsimanini aalisarnermillu ukiorpassuarni aallussaqarnini pillugit sølviusumik 2017-imi aamma nersornaaserneqarpoq.

Hanseeraq Enoksenilu tallimanngormat nersornaaserneqaqqippoq, tamatumuuna kuultiusumik.

Sisimiuneersoq Hanseeraq Enoksen ilaqutariippassuarnut, najukkamini innuttaasunut minnerunngitsumillu Qeqqata Kommunianut nunattalu karsianut isertitaqartarnikkut tunngaviulersimasumik pingaarutilimmik ingerlatsisimanini pissutigalugu nersorniarneqarpoq.

NERSORNAAT

Nersornaasiunneqartartoq saqqarmiuuvoq nersornaat.

Taanna Inatsisartut siulittaasuannit tunniunneqartarpoq.

Nersornaat innuttaasunut tamanut nunatsinni piffissami sivisuumi pingaarutilinnik suliniuteqarsimasunut nersortarialinnut tunniunneqartarpoq, tamatumanittaaq kalaallit oqaasii, kulturiat, isigineqarnerallu pillugu annertuumik nersortarialimmik suliniuteqarsimasumut tunniunneqarsinnaavoq.

Nersornaat guldtiusoq sølviusorlu nersornaasiissutigineqartarput.

Nersornaat guldtiusoq ukiumut ataasiaannarluni tunniunneqartarpoq.

Nersornaat sølviusoq annerpaamik ukiumut tallimariarluni tunniunneqartarpoq.

Allisiguk

Inatsisartut siulittaasuat, Kim Kielsen (S), nersornaammik kuultiusumik nersornaasiinermi oqalugiarami oqarpoq.

Aamma atuarukNersornaaserneqarnini tupaallaatigigaa

- Inatsisartut Siulittaasoqarfiata iluatsilluartumik sulilu siuariartortumik nunatsinnilu isertitaqarnermut suli ajunngitsumik tunniussaqartartumik suliffiuteqarnerit pillugu kuultiusumik nersornaaserpaatit.

Hanseeraq Enoksen kilisaataatileqatigiiffimmik Angunnguaq A/S-imik piginnittuuvoq, kilisaataatileqatileqatigiiffiutinilu taanna ukiut 25-t sinnerlugit matuma siorna pilersippaa.

Ilaqutariittut suliffeqarfiutissinnik qasusuillusi ingerlatsinersi aamma aalisarnermik inuussutissarsiuteqarnermi inuusuttunut amerlasuunut maligassiuisuunerit maluginiagassaasut, Inatsisartut Siulittaasoqarfiannit isumaqarpugut. Kim Kielsen oqalugiarami oqarpoq.

- Inuusuttortavut inuussutissarsiutini assigiinngitsuni maligassiuisussanik pisariaqartitsipput, tamatumanilu aalisarnermik inuussutissarsiuteqarneq nunatsinni inuussutissarsiutit pingaarnersaraat, tassanilu inuusuttortavut inuussutissarsiuteqartissagutsigit maligassiuisussanik pisariaqartitsilluta.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.