Inuusuttuaqqat marluk toqungasut siumorneqartut

Allaaserisaq, Kalaallit Nunaanni Politiit nalunaaruteqarnerisa kingorna, sapaammi ullaakkut nutarterneqarpoq.

 Kalaallit Nunaanni Politiit inuusuttuaqqat marluk toqungasut siumorneqarsimanerat sapaammi ullaakkut nalunaarutigaat. Taamaattumik KNR-ip assit inuusuttuaqqallu aqqi allaaserisamit peerpaat.

- Politiit nalunaaqutaq 00.59 tamanna pillugu nalunaarfigineqarput, sillimasut pisortaat Poul Kreutzmann oqarpoq. 

Ilaqutaasut kalerrinneqareerput.

ILANNGUTASSIAQ SIULLIUSOQ:

Kalaallit Nunaanni politiit inuusuttuaqqat marluk, ippassaq ujaarineqalersut, suli ujaarivaat. 

Taamaattumik politiit Nuummi innuttaasunut tamanut, inuusuttuaqqanik taakkuninnga marlunnik eqqumaffiginninnissaat, kajumissaarutigaat

Kalaallit Nunaanni Politiit innuttaasut umiatsiat, naqqup-ilui sumiiffiillu allat misissussagaat kajumissaarutigaat.

Inuusuttuaqqat blok 4-p eqqaani pingasunngornermi unnukkut nalunaaqutaq 21.30 kingullermik takuneqarput.

Sillimasut pisortaat Karsten Højrup, inuusuttuaqqat taakkua marluk, bussini illoqarfiup qeqqani sisamanngornermi ualikkut nalunaaqutaq 15.50 immaqa takuneqarsimasut KNR-imut oqaluttuaraa. 

- Innuttaasulli suli eqqumaffiginninnissaat kissaatiginarpoq.

- Takunnissimasinnaasuniillu sumiinneriluunniit pillugit ilisimasalinnit tusagaqarusuttorujussuuvugut, taanna oqarpoq.