Eqqissiviilliortoqartuarsinnarpoq: Ullup unnuallu ingerlanerani Politiinut nalunaarutit ikinnerpaamik 47-t

Kalaallit Nunaata Politiivini ulloq unnuarlu ulapaarfiungaatsiaqqippoq. Nuummi illoqarfiup qeqqani, tallimanngornermi unnukkut pisumi nakuuserluni ujajaasoqarneranik takunnissimasinnaasunik, politiit aamma ujaasipput.

Allattoq Birgitte Kjeldsen

novembarip 09-at 2025 14:19

Nutserisoq Karla Heilmann

- Tamangajaaviisa oqaatsigissavakka, taamaalillutit suliavut soorpiaanersut takusinnaaniassagakku, sillimasut pisortaat Aputsiaq Hansen KNR-imut sapaammi oqarpoq.

- Ippassartut ingerlaannarpoq. Ulapaartorujussuupput.

Nuna tamakkerlugu ulloq unnuarlu politiinut nalunaarutiginninnermi suliat katillugit 47-t sillimasut pisortaata oqaluttuarai.

- Suliat amerlanerpaartai imigassartorsimanermut attuumassuteqarput, taanna oqarpoq.

ULLOQ UNNUARLU KINGULLERMI POLITIINUT NALUNAARUTIGINNINNERIT

Aqqusinermi perulluliornerit: 5

Eqqissiviilliorneq: 1

Imminut toqunnissamik siorasaarinerit: 7

Angerlarsimaffimmi eqqissiviilliornerit: 9

Imerniartarfimmi eqqissiviilliorneq: 1

Nakuusernerit: 6

Aalakoortut: 8

Inunnik sumiiffinniitikkusunneqanngitsunik peersitsinerit: 2

Imigassartorsimatilluni biilimik ingerlatsineq: 1

Aserorterinerit: 2

Pinngitsaaliilluni kujannissimasumik nalunaarutiginninneq: 1

Containerimut tillinniarneq: 1

Tillinniariaraluarneq: 1

Ujajaaneq: 1

Toqutsinissamik sioorasaaruteqarneq: 1

Nuummi nakuuserluni ujajaasoqarnera pillugu politiit ippassaq nalunaarfigineqarput, pinerluttut ilisimaneqanngitsut marluk nassaarinissaannut politiit inunnit ikiorneqarnissaminnik qinnuiginnipput.

Ujajaaneq illoqarfiup qeqqata nalaaniittumi neriniartarfimmi IGGU-mi tallimanngornermi novembarip arfineq-aappaanni nalunaaqutaq 23.00 missaani pivoq.

- Tassani inuk ataaseq kiinnamigut timimigullu isattartillunilu isimmittartilluni pinerluttunit ilisimaneqanngitsunit marlunniit saassunneqartoq pineqarpoq, Aputsiaq Hansen paasissutissiivoq.

Pinerlineqartup aningaasivia, oqarasuaataa angallattagaq kavaajaalu saassunneqarnerani ujajaasunit tiguneqarput.

Aamma atuarukPisut imigassartorsimanermut attuumassutillit pillugit ulloq unnuarlu ulapiffiungaatsiaqqittut

Oqareernitsitulli Politiit suliamut ikiortissarsiorput, tamatumunngalu tunngatillugu pinerluttut taakku marluk pillugit paasissutissat saqqummiuppaat:

Angutit marluk pineqarput, marluullutik kalaallisut isikkullit. Taakkua kalaallisut oqaaseqarput, 25-t 30-llu akornanni ukioqassangatinneqartut, 1.80 – 1.85 meteritut tuattuullutik takissuseqassangatinneqartuupput.

- Arlaannik tusagaqartoqarsimaguni takunnittoqarsimaguniluunniit politiinut siarngutigineqassapput uunga 70 14 48, sillimasut pisortaat oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.