Arnaq toqungasoq pillugu suliami 35-nik ukiulik tigummigallarneqartoq

Angut 35-nik ukiulik arnap 49-nik ukiullip toqungasup Qaqortup eqqaani nunaqarfimmi ippassaq ullaap tungaani siumorneqarneranut atatillugu tigummigallarneqartussanngortinneqarpoq.

Allattoq Nicole Sander Bertelsen

novembarip 12-at 2025 18:35

Nutserisoq Connie Fontain

Arnaq 49-nik ukiulik toqungasoq Qaqortup eqqaani nunaqarfimmi marlunngornermi ullaap tungaani siumorneqartoq pillugu suliami angut 35-nik ukiulik ullumi tigummigallarneqartussanngortinneqarpoq.

Kalaallit Nunaanni Politiit tusagassiuutinut pingasunngornermi unnukkut nalunaarummi allapput.

Aamma atuarukArnaq Qaqortup eqqaani nunaqarfimmi toqungasoq siumorneqartoq

Politiit ippassarli nunaqarfimmiilerput, pinerluttoqarsimatillugulu paasiniaasartut toqusullu timaannik misissuisartut suliamik misissuinermut ikiuukkiartoqquneqarput.

Politiit nunaqarfiup aqqa ippassaq oqaatiginngilaat, tusagassiuutinulli maanna nalunaaruteqarnerminni nunaqarfimmi Eqalugaarsunni 'toqusoqarnera pasinartoqartoq' allappaat.

Angut 35-nik ukiulik tigummigallarneqartoq Eqqartuussisoqarfik Kujallermi pingasunngornermi sassartinneqarpoq, ullunilu 27-ni tigummigallarneqartussanngortinneqartoq, politiit paasissutissiipput.

Angutip aalajangiineq suliareqqitassanngortippaa.

Arnaq 49-nik ukiulik marlunngornermi kinaassusersineqarpoq, ilaqutaasullu kalerrinneqarlutik.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.