Arnaq aqqusinermi ajutoortoqarnerata kingorna ajunaartoq
Arnaq 23-nik ukiulik Nuummi aqqusinermi unnuaq ajutoornermi ajunaarpoq, Kalaallit Nunaanni Politiit sillimasuisa pisortaat, arfininngornermi ullaap tungaani ilisimatitsivoq.
Ajutoortoqarnera ullaaq nalunaaqutaq 04.30 nalunaarutigineqarpoq, sillimasut pisortaat Lars Even oqaluttuarpoq.
Ajutoorneq Nuummi Peter Thårup Høegh Aqqutaani pivoq, aqqusinerlu ajutoornerup kingorna angallavigineqarsinnaajunaarlugu matuneqarpoq, maannali angallavigineqaqqissinnaanngoreerpoq.
- Biilinik misissuisartoq aggersarneqarpoq, pisoqarfiusorlu misissoqqissaarneqarluni suliarlu politiinit suli suliarineqarpoq, sillimasut pisortaat oqarpoq.
- Ilisimannittunik apersuisoqassaaq misissuinerillu allat suli ingerlanneqartariaqarlutik, Lars Even oqarpoq.
Toqusup qanigisai kalerrinneqareerput.
