Angut nakuuserfigineqartoq - pinerliisoq marloriarluni tigusarineqartoq

Angut angerlarsimaffimmini sisamanngornerup unnuaani nakuuserfigineqarpoq. Pinerliisoq marloriarluni tigusarineqarsimasoq, Kalaallit Nunaanni Politiit oqaatigaat.

Allattoq Nicole Sander Bertelsen

oktobarip 23-at 2025 09:30

Nutserisoq Medea Olsen

Angut 60-it 65-illu akornanni ukiulik angerlarsimaffimmini namminerminit inuusunnermit sisamanngornerup unnuaani nakuuserfigineqarpoq.

- Pinerlineqartup arlaleriarluni unatarneqarsimanini nalunaarutigisimagaa, Aputsiaq Hansen Kalaallit Nunaanni Politiit sillimasuisa pisortaat oqarpoq.

Politiit nalunaaqutaq 01.21 nalunaarfigineqarput, illoqarfiillu pingaarnersaanni najukkamut apuukkamik, angut 40-t 45-llu akornanni ukiulik tigusaraat.

Angutit taakku marluk imminnut ilisarisimasariittut imigassartortoqarsimasorlu, sillimasut pisortaat oqarpoq.

Pinerliisoq unnuaq taanna kingusinnerusukkut iperagaavoq, pinerlineqarsimasulli angerlarsimaffianut toqqaannartumik ingerlasimavoq, tassanilu ujaqqanik milloorsimalluni.

- Taamaattumik angut tigusarineqaqqippoq sulilu politiinit tigummigallarneqarluni, sillimasut pisortaat oqarpoq, suliarlu qanoq ingerlanneqassanersoq unnerluussisussat maanna nalilersussagaat aamma oqaatigaa.

- Politiinit ilisarineqarnersut, politiinit suliassaatigineqareernersut unnerluutigineqarsimanerallu qanoq ilungersunartiginersoq naliliinermi isiginiarneqartarput, Aputsiaq Hansen oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.