Sydneymi pisiniarfissuarmi savilersortoqarmat inuit arfinillit toqutaasut

Australiami illoqarfissuarmi Sydneymi pisiniarfeqarfissuit ilaanni ullumi arfininngornermi savilersortoqarmat inuit arfinillit toqutaapput.

Australiami politiit taama ilisimatitsipput.

Saassussisoq politiinit toqutaavoq, kisimiillunilu saassussisimanissaa politiit ilimagaat.

Politiit ningiuata Karen Webbip oqarnera naapertorlugu saassussisoq tassaassangatinneqarpoq angut 40-nik ukiulik, politiniillu ilisimaneqartoq. Nutaarsiassaqartitsivik AFP taama allaaserisaqarpoq. Saassussisoq pisortatigoortumik suli kinaassusersineqanngilaq.

Saassussisoq aallaaneqartoq

Sydneymi ualikkut nalunaaquttap pingasut sisamallu akornanni saassussisoqarpoq, annaassiniartartut tassani kalerrinneqarlutik.

Inuit pisiniarfeqarfissuarmiittut qimagussorneqarput, inuillu pisiniarfissuarmut qanillattunnginnissaat kajumissaarutigineqarluni.

Politiit pisortaata tullersortaata oqarnera naapertorlugu politiit ilaat pisiniarfeqarfissuup nalaaniittoq ornigutipallassimavoq. Aviisi The Sydney Morning Herald taama allaaserisaqarpoq.

Saassussisup sumiinneranik tassani ilisimatinneqarpoq ornigullunilu.

Politiit pisortaata tullersortaata oqarnera naapertorlugu politiit ilaat pisiniarfeqarfissuup nalaaniittoq ornigutipallassimavoq. Aviisi The Sydney Morning Herald taama allaaserisaqarpoq.

Saassussisup sumiinneranik tassani ilisimatinneqarpoq ornigullunilu.

Savilersortoq politiip tungaanut aallarpoq. Politiillu savilersortoq taamaalinerani aallaavaa toqullugulu, politiit pisortaata tullia oqarpoq.

/ritzau/