Ilulissani politiit nuuttut
Ilulissani politiit politeeqarfimmut nutaamut nuupput. Tamanna pissutigalugu politeeqarfik ullualunni matoqqassaaq, politiilli ikiuinissamut suli piareersimassapput.
Ilulissani politeeqarfiup nutaap suliarineqarnerani titartagaq maleqqissaarneqarpoq.
Allattoq Nicole Sander Bertelsen
apriilip 29-at 2024 16:57
Ilulissani politiinut saaffiginninniaruit maajip aallaqqaataanit politeeqarfimmut nutaamukartassaatit.
Kalaallit Nunaanni Politiit Facebookimi quppernerminni allapput, tassanilu politeeqarfimmut ornigulluni saaffiginnittarfik sapaatip akunnerani matumani aqagu pingasunngorpallu matoqqassasoq aamma oqaatigaat.
Matoqqasoqarnissaa politeeqarfimmut nutaamut nuunnissamik pissuteqarpoq.
Politiilli pisariaqartitsisoqarpat ornigunnissamut piareersimallutik oqaatigaat.
- Politiit ikiortiserissagukkit ileqqoq malillugu 70 14 48-mut sianissaatit. Taamaalilluta aggernissamut piareersimassaagut – aamma Ilulissani.
Ilulissani politeeqarfik maajip aappaanit Paulus Kristensenip aqq. 2-miilissaaq.
