Maliina Artic Winter Gamesimi pisortaq
Nalorninerli qaangiuppoq, tassami Maliina Abelsen septembarip aallaqqaataani Arctic Winther Gamesimi pisortatut sulilissaaq.
AWG ukiut arlaqanngittut aallartiinnariarpat, Maliina akisussaanerpaatut, aaqqissuussisimassaaq.
AWG, pisortartaassaaq sulianik naammassilluakkanik tunniussisinnaasumik, ersarissumillu takutittareerpaa pisortatigoortunik namminersortunillu soqutingisaqaqatigiinnikkut sullarissuusoq.
Taamak Ataqatigiissaaarisut siulittaasuat Christian Keldsen oqarpoq.
AWG-ip siunertaraa Kalaallit Nunaanni timersornikkut aammalu kuulturikkut annertuumik pisoqarnissaa, tassanilu piumassutikkut suleqataanerit annertuumik nukingissallungit, taamatullu Nuummi innutaasut Kommuneqarfik Sermersooq, Namminersorlutik Oqartussat, Nunatsinnilu suliffeqarfiit nukinnik tunniussinissaat naatsorsuutaangaatsiarluni.
Ataqatigiissaarisullu Maliinamik qinersinerminni pingaartissimavaat, aalajaalluni ataqqineqarlunilu politikkikkut taamattaarlu inuussutissarsiornerup iluani sulisimanera, aammalu suleqatiminik, inuiaqatiminullu kajumissutsimik sulinissamut kaammattuillaqqinnera.
Qilanaarluni suliniut ajunngittumik nukinnik aammalu ataqatingiinnermik inuiaqatigiinni pilersitsisussamut, sulinissaq qilanaaraara.
2016-imi AWG iluatsilluassappat taava pisariaqarpoq, pisortat, namminersortut kattuffiit, innuttaasullu suleqatingiilluarnissaat,qilanaareqaara nukiit taakku kattutsinnissai, isertuutissangilaralu, suliffimmut akuersaarnera tamakkunungarpiaq, tungaveqarmat, Maliina Abelsen nassuiaavoq.