Heilmannip aalajangiusimaannarpaa: Tarnimikkut nappaatillit inissianiitinneqassanngillat

Tarnimikkut nappaatillit ikiorserneqassapput, tamannali inissiani nalinginnaasumik attartortakkani pissanngilaq, naalakkersuisoq Sivert K. Heilmann, Atassummeersoq, Namminersorlutik Oqartussat Kommuneqarfik Sermersuumut allagaqaataata Radioaviisimit ippassaq saqqummiunneqareersoq akissuteqarluni taama allappoq.

AAMMA ATUARUK Ineqarnermut naalakkersuisoqarfiup inuttut pisinnaatitaaffiit unioqqutippai

Naalakkersuisut allagaqaammi erseqqissaatigaat, tarnimikkut nappaatillit Namminersorlutik Oqartussat inissiaataanni nalinginnaasumik attartortakkani inissaqartinneqanngitsut, Heilmannillu tamanna aalajangiusimaannarpaa.
 
- Pisut ilaanni tarnimigut nappaatilik eqqaamiuminut qununartumik pissusilersorsimatillugu, imminut avatangiisiminullu ulorianartorsiortitsisimatillugu imaluunniit inuunermik ulorianartorsiortitsisimatillugit imaluunniit inissiaqarfimmi aserorterisimatillugit tarnimigullu nappaatilik ulorianartorsiortitsigaluartoq kommunimit ikiorserneqanngippat, tarnimigut nappaatillip inissiamit anisinneqarnissaata saniatigut INI allamik periarfissaqanngilaq, naalakkersuisoq taama allappoq.

AAMMA ATUARUK Ineqarnermut naalakkersuisoqarfiup allagai borgmesterip tupaallaatigai

Danmarkimi Inuttut pisinnaatitaaffiit pillugit Misissuisoqarfiup allakkat atuareerlugit nalilerpaa, matumani eqqunngitsumik immikkoortitsisoqartoq, Naalakkersuisut allagaqaatiminni kommuni namminersorlutik oqartussat inissiaataannut innersuussissagaluarpat pillarneqarneqarnissaanik erseqqissaateqartoqarnera innersuussutigalugu.
 
- Inissiaq inissiarsuup naqqaniittoq tarnimigut nappaatilimmut atorneqassagaluarpat, kommunip inissianut inissiarsuit naqqaniittunut innersuussisinnaanini annaassavaa. Aamma tarnimigut nappaatillip eqqaamiunut akornusersuutaannginnissaanik imaluunniit ulorianartorsiortitsinnginnissaanik kommuni naliliisimagaluarpalluunniit tamanna atuutissaaq, Naalakkersuisut allapput.

AAMMA ATUARUK   Aaja Chemnitz Larsen: Namminersorlutik Oqartussat akisussaaffitsik qimarratigaat