Ineqarnermut naalakkersuisoqarfiup inuttut pisinnaatitaaffiit unioqqutippai
"Tarminikkut nappaatillit inissiani nalinginnaasumik attartortittakkani najugaqarnissaat tulluanngilaq", Ineqarnermut naalakkersuisoqarfik taama isumaqarpoq.
Ineqarnermut Naalakkersuisoqarfik Kommuneqarfik Sermersuumut allagaani, KNR-illu pissarsiarisimasaani, tarnimikkut nappaatillit siunissami kommunip inissiaatiminut inissittalissagai allassimavoq.
Allakkami allassimavoq, "kommuni isumaqaruni tarnimikkut nappaatillit inissiani nalinginnaasumik attartortakkani ineqartinneqassasut, taava kommunip Namminersorlutik Oqartussat inissiaatai atornagit nammineq inissiaatini atortariaqarpai".
Danmarkimi inuttut pisinnaatitaaffiit pillugit misissuisoqarfiup allakkat atuareerlugit, eqqunngitsumik immikkoortitsertut naliliivoq.
Misissuisoqarfiup naliliinera malillugu, Naalagaaffiit Peqatigiit innarluutillit pillugit isumaqatigiissutaanni malittarisassanut atuuttunut tunngatillugu Naalakkersuisut pisussaaffeqarnerannik unioqqutitsineruvoq.
