Harald Bianco-p Maliina Abelsen Inatsisartuni taarserpaa
-Qularnanngilaq Maliina Abelsen siuttuusinnaassutsini sulerusussutsinilu tunngavigalugit suliamik naammassinnilluartussatut piukkunnarluinnarpoq. Sulinngiffeqarnerani soorunami amigaatigissavarput, kisiannili aamma nuannaarutigissallutigu Arctic Winter Games Nunarpullu aaqqissuussinerup pitsaasumik ingerlanneqarnissaanut inummik taamak piginnaaneqartigisumik sulerusussuseqartigisumillu atorfinitsitsinera nuannaarutigaarput, Kuupik Kleist, Inuit Ataqatigiinni siulittaasuusoq taama unnersiorpoq.
Maliina Abelsen-ili AWG-mi pisortanngoruni ulapissaqaaq. Taassumalumi Inatsisartuni ilaasortaanerminit tunuarallarluni atorfimmut taassumunnga qinnuteqarnissani nangaanartoqartissimanngeqaa:
-Sulinngiffeqarnissamik qinnuteqaateqarpunga, suliffissaq pisortaaffiummat, sulisumit piumaffiginniffioqisoq. Imaanngilaq naalakkersuinikkut sulinermit tunuartunga, kisiannili piffissami aalajangersimasumi naalakkersuinikkut sulinermit illuallarallartunga. Isumaqarpunga inuttut naalakkersuinikkullu suliaqartutut pitsaasuussasoq ukiorpanngortuni oqaluuserisimasamma tigussaasunngortinnissaa peqataaffiligissagakku tassalu: soqutigisaqaqatigiit akimorlugit ataatsimoorluni kivitseqatigiinneq, Maliina Abelsen oqarpoq.
