Trumpip Kalaallit Nunaat pillugu oqaatsini uteqqissappagit tamanna Danmarkimut ilungernarnissaa Løkkep ernummatigigaa

Donald Trumpip Kalaallit Nunaat pillugu oqaatsini præsidentitut uteqqippagit tamanna Danmarkimut ilungersunassaaq.
Danmarkip nunanut allanut tunngasuni ministeria Lars Løkke Rasmussen(M) TV2-mut taama oqarpoq:
- Præsidenti taama isummersoqqissappat, soorlu inoqatinut attaveqaqatigiittarfinni taamaaliorsimasoq, taava kinguaariippassuit kingulliit ingerlaneranni nunanut allanut tunngasuni politikkikkut aatsaat taama ilungersunartigisumiilissaagut, taanna TV2-mut oqarpoq.
Løkkep januaarip ulluisa arfineq-pingajuanni oqaasii taama sakkortutiginngillat.
Danmark nunanut allanut tunngasuni politikkikkut ilungersunartorsiunngitsoq ullut aqqanillit matuma siornatigut oqarpoq:
- Nunanut allanut tunngasuni polikikkikkut ilungersunartumiinngitsugut isumaqarpunga, Løkke, Donald Trumpip Kalaallit Nunaannik piginnittuulerniarnermik oqaaseqaqqinnerata kingorna oqarpoq.
Donald Trump, USA-mi præsidentitut aappassaa ullumi ivertinneqassaaq.