Naqqiut: Allaaserisap allaqqaarnerani, Múte B. Egede issuarlugu oqarnerarparput, Kalaallit Nunaat tamakkiisumik namminiilivinnavianngitsoq. Tamatumani nutserinerluttoqarsimavoq. Kukkuneq KNR-ip ajusaarutigaa. 

Kalaallit Nunaata nunanut allanut attavedqarnini kipitinnavianngilkkaa, naalakkersuisut siulittaasuat Múte B. Egede TV2-p KNR-illu oqallitsitsinerani ilaatigut oqarpoq.

Kalaallit Nunaat siunissami namminiilivittunngoraluarpat Kalaallit Nunaata Danmarkillu akornanni atassuteqartuassaaq - assersuutigalugu aningaasarsiornikkut.

- Qallunaat Nunaannik attaveqarneq qularinngilara attanneqarumaartoq. Inuiaqatigiit ilaqutaqarnikkut attaveqarfigigamikku taanna piujuartussaassaaq, Múte B. Egede oqarpoq.

Immitsinnut napatinnissarput pilersittariaqaripput, aningaasaqarnermut naalakkersuisoq Erik Jensen isumaqarpoq:

- Pisuussutivut nunamut allamut maanna ingerlasarput, tassa Danmarkimut. Taanna unitsinneqartariaqarpoq, Danmarkimut Amerikamullu niueruteqarnigut assigiinngitsut taakkua kipitiinnarniarnagit annertusarneqartariaqarput pingaaruteqarmata, Erik Jensen oqarpoq.

Kalaallit Nunaata assersuutigalugu aalisakkanut tunngatillugu Kinamik niueqateqarluartoq, taassuma tikkuarpaa.