Søren Stach Nielsen nunatsinnut angerlalersoq

Søren Stach Nielsenimut nunatsinnut uternissamut periarfissap eqqortuunera qularnarsimanngilaq.

- Unammilligassaq nutaaq soqutiginartittorujussuuara, taamaammat neqeroorutigisaat pitsaanerusinnaanngingajappoq.

AAMMA ATUARUK Aalborgimi Kalaallit Illuutaata pisortaa taamaatippoq

Aalborgimi kalaallit illuutaanni atorfimmi qimanneranut atatillugu maanna piffissaalluartoq erseqqissaatigaa.

- Atorfinni suliakkiunneqartut naammassisimasoraakka. Kalaallimmi illuannik nutaalianngorsaanissaq, torersaanissaq illullu ukiorpassuarni inissisimaffianiit nuutsinnissaa pillugu pisortatut atorfitsinneqarpunga.

AAMMA ATUARUK Kalaallit Illuata immikkoortortaqarfii ataatsimoortinneqalersut

Nunatsinni suliffeqarfimmi namminersortumi aqutsisunngussaaq, suliassallu sinaakkutaat pisortamut takornartaanngillat.

- Ilaatigut kalaallit Illuanni siumaginninnermut tunngasunik suliaqartareerama, maani Danmarkimi Piginneqatigiiffiit inooqataaniarnikkut ajornartorsiortunik sulisullit sulerisinnanera, sumullu atoneqarsinaanerat malinnaaffigalugu assut soqutiginarpoq.

AAMMA ATUARUK Kalaallit Illuutaat oqalutsinik ajornartorsiuteqartut

Suliffeqarfik nutaaq Danmarkimi piginneqatigiiffimmik, inuiaqatigiinni inooqataanikkut ajornartorsiortunik sulisoqartumik suleqateqarnikkut ingerlanneqassaaq, Søren Stach Nielsenilli kinaanera oqaatiginianngikkallarpaa, takorluugarli ersarippoq.

- Neriuutigisara sinnattorisaralu tassaavoq suliffeqarfik inooqataanikkut ajornartorsiortunik, suliffissaaleqisunik, sulilernissamut piareersimanngitsunik piareersaasoq sulinissamullu piareersimasunik sulilersitsisoq.

Søren Stach Nielsen oqarpoq, taanna Nuummut maajip aallartinnerani nuussaaq.