Qimmit neqaat nerisassiatut

Qimmit qimuttut neqaasa inuussutissatut tunisassiarineqarsinnaanerannut periarfissat suut pigineqarpat? Apeqqut taanna qimmit qimuttut pillugit isumasioqatigiinnermi Ilulissani ullumi aallartinneqartussami eqqartorneqartussat ilagaat.
decembarip 10-at 2013 05:45

Qimussertartut kisimik isumasioqatigiinnermi ullumi saqqummiissanngillat. Uumasummi nakorsaata qimmip neqaata tunisassiarineqarsinnaaneranut periarfissat suunerinik saqqummiussaqarniarpoq:

- Inuussutissanik tuniniaanermi maleruaqqusat, malittarissat piumasaqaatillu suut naammasseqqaartariaqarnersut tassani saqqummiisussap suliarisussaassavai. Tassalu uumasup nakorsaata, Mikkel Jeremiassen, Kalaallit Nunaanni Qimussertartut Kattuffianni siulittaasoq oqarpoq nangillunilu:

- Ilaatigut suli takussaasarpoq qimutsinnissaa siunertarinagu kisiannili nerisarineqarnissaa siunertaralugu nutaqqat puallarserneqartut naammalerpata toqunneqartarput nerineqarlutillu, Mikkel Jeremiassen oqarpoq.

Nunatta iluani qimmit neqaasa tunisassiarineqarsinnaanerat Kalaallit Nunaanni Qimussertartut Kattuffiannit isumaliutersuutaavoq:

- Aamma isumaqaratta tunngaviusumik qimmit amerliartoqqilersinnaanerinut periarfissat ilagigaat. Qimmeqarusussutsip qaffassarnissaa. Tassaniitipparput, Mikkel Jeremiassen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq